کرینہ کپور کا شادی کی 14ویں سالگرہ پر سیف علی خان کیلئے محبت بھرا پیغام

ممبئی( شو بز ڈیسک)بالی ووڈ کی معروف اداکارہ کرینہ کپور اور اداکار سیف علی خان نے اپنی شادی کی 14ویں سالگرہ منائی۔ اس خاص موقع پر کرینہ نے شوہر کے نام محبت سے بھرپور پیغام سوشل میڈیا پر شیئر کیا۔اداکارہ نے انسٹاگرام پر سیف علی خان کے ساتھ اپنی یادگار تصاویر پوسٹ کیں، جن میں شادی سے قبل کے رومانوی لمحات سے لے کر اہلِ خانہ کے ساتھ چھٹیوں کی خوبصورت یادیں بھی شامل ہیں۔کرینہ کپور نے ان تصاویر کے ساتھ مختصر مگر جذباتی پیغام میں لکھا کہ ایک اور سال گزر گیا، جبکہ ابھی پوری زندگی ایک ساتھ گزارنی ہے۔واضح رہے کہ کرینہ کپور اور سیف علی خان کی پہلی ملاقات 2008 میں فلم ’ٹشن‘ کی شوٹنگ کے دوران ہوئی تھی، جہاں سے دونوں کے درمیان محبت کا آغاز ہوا۔ تقریباً پانچ سال تک ایک دوسرے کو جاننے کے بعد دونوں نے 16 اکتوبر 2012 کو ممبئی میں شادی کرلی تھی۔