ممبئی( شو بز ڈیسک)بالی وڈ کی معروف اداکارہ کترینہ کیف کی لندن میں پاکستانی سوشل میڈیا انفلوئنسرز سے ملاقات کی ویڈیوز سوشل میڈیا پر وائرل ہو گئی ہیں، جنہیں مداحوں کی جانب سے خاصی توجہ مل رہی ہے۔اداکارہ نے حال ہی میں لندن میں اپنے میک اپ برانڈ ’’کے بیوٹی‘‘ کی تقریب منعقد کی، جس میں برطانیہ میں مقیم پاکستانی سوشل میڈیا انفلوئنسرز کو بھی مدعو کیا گیا تھا۔ اس موقع پر شرکا نے کترینہ کیف سے ملاقات کی اور ان کے ساتھ ویڈیوز بنا کر سوشل میڈیا پر شیئر کیں۔یہ تقریب ۸ اکتوبر کو لندن میں منعقد ہوئی، جس میں پاکستانی انفلوئنسرز لاریب رحیم، رومینہ بیگم، رمشاء وسیم، عاطفہ ارشد، مریم ملک اور مہوش الماس نے شرکت کی۔تقریب کا مقصد کترینہ کیف کے میک اپ برانڈ ’’کے بیوٹی‘‘ کی برطانوی منڈی میں پذیرائی کو اجاگر کرنا تھا۔ یہ تقریب لندن کے معروف بیوٹی اسٹور ’’اسپیس این کے‘‘ میں منعقد ہوئی، جہاں برانڈ کی مصنوعات بھی پیش کی گئیں۔واضح رہے کہ کترینہ کیف نے اپنا بیوٹی برانڈ ’’کے بیوٹی‘‘ سنہ ۲۰۲۵ء میں برطانوی منڈی میں متعارف کرایا تھا۔
