کریتی سنن اور کبیر باہیا کی ایک ساتھ موجودگی، تعلقات کی افواہیں پھر گرم

ممبئی( شو بز ڈیسک)بالی ووڈ اداکارہ کریتی سنن ایک مرتبہ پھر اپنے مبینہ دوست کبیر باہیا کے ہمراہ نظر آئیں، جس کے بعد دونوں کے درمیان تعلقات سے متعلق قیاس آرائیاں دوبارہ زور پکڑنے لگی ہیں۔کریتی سنن کو برمنگھم کے ایجبسٹن اسٹیڈیم میں بھارت اور انگلینڈ کے درمیان کھیلے گئے پہلے ون ڈے میچ کے دوران کبیر باہیا کے ساتھ دیکھا گیا۔ اس دوران دونوں کی موجودگی نے مداحوں کی توجہ حاصل کرلی۔کبیر باہیا نے میچ کے دوران کریتی سنن اور اپنے ایک دوست کے ساتھ تصاویر بھی سماجی رابطے کی ویب سائٹ انسٹاگرام پر شیئر کیں، جو دیکھتے ہی دیکھتے وائرل ہوگئیں۔تصاویر میں کریتی سنن سبز رنگ کے ٹاپ اور سفید پتلون میں نظر آئیں، جبکہ کبیر باہیا نے بھورے رنگ کی جیکٹ پہن رکھی تھی۔ دونوں کی ایک ساتھ موجودگی کے بعد ایک بار پھر ان کے رشتے سے متعلق چہ مگوئیاں شروع ہوگئی ہیں۔