لاہور ( سپورٹس ڈیسک)لیڈز ٹیسٹ کے دوسرے روز انگلینڈ نے پاکستان کے خلاف پہلی اننگز میں 8 وکٹوں پر 366 رنز بنا کر 195 رنز کی برتری حاصل کرلی۔ہیری بروک 91 رنز کے ساتھ نمایاں رہے جبکہ جارڈن کاکس نے 73، جو روٹ نے 66 اور ڈین لارنس نے 51 رنز بنائے۔ جیمی اسمتھ 16 اور جوفرا آرچر بغیر کوئی رن بنائے ناٹ آؤٹ ہیں۔پاکستان کی جانب سے اسپنر علی عثمان نے شاندار بولنگ کرتے ہوئے کیریئر کی بہترین کارکردگی دکھائی اور 5 وکٹیں حاصل کیں، جبکہ محمد عباس، محمد علی اور خرم شہزاد نے ایک، ایک وکٹ حاصل کی۔پاکستان پہلی اننگز میں 171 رنز پر آؤٹ ہوا تھا۔ عبداللہ شفیق نے 61، امام الحق نے 42 اور کپتان سلمان آغا نے 21 رنز بنائے تھے۔ انگلینڈ کے اولی رابنسن اور جوش ٹنگ نے 5،5 وکٹیں حاصل کی تھیں۔
