نیویارک( شوبز ڈیسک)فٹبال کے عالمی سپر اسٹار لیونل میسی کی نئی سپر ہیرو فلم میں اچانک نظر آنے والی مختصر جھلک نے مداحوں میں جوش و خروش پیدا کر دیا ہے۔فلم "اسپائیڈرمین: برانڈ نیو ڈے" کے نئے ٹیزر میں میسی کی مختصر موجودگی کے بعد سوشل میڈیا پر نئی بحث شروع ہو گئی ہے، جہاں شائقین اس غیر متوقع اشتراک پر دلچسپ تبصرے کر رہے ہیں۔غیر ملکی میڈیا کے مطابق ٹیزر میں لیونل میسی کو اسپائیڈرمین سے ملاقات کرتے ہوئے دکھایا گیا ہے۔ ویڈیو جاری ہوتے ہی یہ منظر تیزی سے وائرل ہو گیا اور مداحوں نے اسے فلم کی تشہیری مہم کا منفرد انداز قرار دیا۔تاہم ابھی یہ واضح نہیں کہ میسی کی یہ جھلک صرف فلم کی تشہیر کے لیے شامل کی گئی ہے یا وہ واقعی فلم میں کسی کردار کے طور پر نظر آئیں گے۔وائرل ہونے والی ویڈیو نے فلم اور فٹبال دونوں کے شائقین میں خاصی دلچسپی پیدا کر دی ہے۔
