ماہرہ خان اور فہد مصطفیٰ کیلئے ستارۂ امتیاز کی سفارش مسترد، سندھ حکومت کا دعویٰ

کراچی( شوبز ڈیسک)سندھ کے وزیر ثقافت و سیاحت سید ذوالفقار علی شاہ نے دعویٰ کیا ہے کہ ماہرہ خان اور فہد مصطفیٰ کے نام ستارۂ امتیاز کے لیے دو مرتبہ وفاقی حکومت کو بھجوائے گئے، تاہم دونوں نامزدگیاں مسترد کردی گئیں۔کراچی میں تھیٹر فیسٹیول کی افتتاحی تقریب سے خطاب کرتے ہوئے صوبائی وزیر نے بتایا کہ سندھ کلچر ڈیپارٹمنٹ نے دونوں اداکاروں کے نام ایک معروف شخصیات پر مشتمل کمیٹی کی سفارش پر قومی اعزاز کے لیے پیش کیے تھے۔سید ذوالفقار علی شاہ کے مطابق نامزدگیاں دو بار بھیجے جانے کے باوجود وفاقی حکومت نے ماہرہ خان اور فہد مصطفیٰ کو ستارۂ امتیاز دینے کی سفارشات منظور نہیں کیں۔انہوں نے کہا کہ سندھ حکومت کو نامزدگیاں مسترد کیے جانے کی وجوہات سے بھی آگاہ نہیں کیا گیا۔