ممبئی( شو بز ڈیسک)بھارتی اداکار منوج باجپائی نے پونے میں 4.45 ایکڑ زمین خرید کر اپنے جائیداد کے اثاثوں میں اضافہ کرلیا۔دستاویزات کے مطابق ٹیل بائیلا گاؤں، ملشی تعلقہ میں واقع یہ زمین ایک کروڑ 37 لاکھ بھارتی روپے میں خریدی گئی، جبکہ سودا 25 اگست 2026 کو رجسٹر ہوا۔ تقریباً ایک اعشاریہ 80 ہیکٹر رقبے پر مشتمل زمین کے لیے منوج باجپائی نے 6 لاکھ 87 ہزار بھارتی روپے اسٹیمپ ڈیوٹی بھی ادا کی۔رجسٹرڈ قیمت کے مطابق زمین کی مالیت تقریباً 30 لاکھ 90 ہزار بھارتی روپے فی ایکڑ بنتی ہے۔ یہ جائیداد مبینہ طور پر وِمل چند کِھم راج جین سے خریدی گئی۔منوج باجپائی اور ان کی اہلیہ شبانہ رضا باجپائی اس سے قبل بھی ممبئی میں کئی جائیدادیں خرید چکے ہیں۔ اکتوبر 2023 میں دونوں نے اوشیوارا میں 32 کروڑ 94 لاکھ بھارتی روپے کے عوض چار تجارتی دفاتر خریدے تھے، جن میں سے دو دفاتر 2025 میں کرائے پر دے دیے گئے
