کراچی ( شو بز ڈیسک)پاکستانی اداکارہ ماورا حسین نے اپنی سالگرہ شوہر امیر گیلانی کے ساتھ سادگی سے منائی، جس کی خوبصورت تصاویر سماجی رابطے کے پلیٹ فارمز پر مداحوں کی توجہ حاصل کر رہی ہیں۔ماورا حسین نے سالگرہ کے موقع پر ہلکے بیبی پنک رنگ کا فراک زیب تن کیا، جبکہ امیر گیلانی نیلے رنگ کی شرٹ میں نظر آئے۔ تصاویر میں اداکارہ مختلف سالگرہ کے لوازمات کے ساتھ پوز دیتی دکھائی دیں۔تصاویر سامنے آتے ہی مداحوں اور شوبز شخصیات نے اداکارہ کو سالگرہ کی مبارکباد اور نیک خواہشات پیش کیں۔مایا علی اور درِفشاں سلیم سمیت ساتھی اداکاروں نے بھی ماورا حسین اور امیر گیلانی کے لیے دعاؤں اور محبت بھرے پیغامات کا اظہار کیا۔
