کراچی( شو بزڈیسک)کراچی کے علاقے لیاری کا مثبت اور حقیقی چہرہ دنیا کے سامنے لانے کے لیے بنائی گئی فلم میرا لیاری کا پریمیئر برطانیہ میں ہونے والے ایک بین الاقوامی فلم میلے میں کیا جائے گا۔یہ فلم ایک متنازع بھارتی فلم کے ردعمل میں تیار کی گئی ہے، جس میں لیاری کو منفی انداز میں پیش کیا گیا تھا، جبکہ میرا لیاری میں اس علاقے کی اصل پہچان اور مثبت پہلو اجاگر کیے گئے ہیں۔فلم کو عالمی سطح پر متعارف کرانے کے لیے اسے دو مئی دو ہزار چھبیس کو ہونے والے اٹھائیسویں یوکے ایشین فلم فیسٹیول میں پیش کیا جائے گا۔فلم سازوں کا کہنا ہے کہ اس منصوبے کا مقصد لیاری کی ثقافت، لوگوں اور وہاں کی زندگی کے روشن پہلوؤں کو دنیا کے سامنے پیش کرنا ہے۔اس اقدام کو پاکستان کے مثبت تشخص کو اجاگر کرنے کی ایک اہم کوشش قرار دیا جا رہا ہے۔
