ممبئی( شو بز ڈیسک)بھارت کی مقبول ویب سیریز ’’مرزا پور‘‘ نے پردے پر بھی اپنی مقبولیت ثابت کردی، فلمی شکل میں پیش کی گئی ’’مرزا پور: دی مووی‘‘ نے ریلیز کے پہلے ہی روز بھارتی سینما گھروں میں شاندار کاروبار کیا۔علی فضل، پنکج ترپاٹھی اور دیویندو سمیت معروف اداکاروں کی کاسٹ پر مشتمل یہ فلم 4 ستمبر 2026ء کو سینما گھروں میں پیش کی گئی۔ فلم کو پیشگی ٹکٹوں کی فروخت کے دوران ہی شائقین کی جانب سے بھرپور پذیرائی ملی۔رپورٹ کے مطابق فلم نے پہلے روز 25 کروڑ بھارتی روپے سے زائد کا کاروبار کیا۔ ناقدین اور شائقین کی جانب سے ملنے والے مثبت ردعمل نے بھی فلم کی مقبولیت اور کاروبار میں اہم کردار ادا کیا۔فلم کی پہلے دن کی کمائی حالیہ بھارتی فلموں ’’آوارہ پن 2‘‘، ’’دھمال 4‘‘، ’’ویلکم ٹو دی جنگل‘‘ اور ’’بھوت بنگلہ‘‘ کی ابتدائی کمائی سے بھی زیادہ بتائی جارہی ہے۔’’مرزا پور: دی مووی‘‘ کی ہدایت کاری گرمیت سنگھ نے کی جبکہ کہانی پنیت کرشنا نے لکھی ہے۔فلم کی کاسٹ میں علی فضل، دیویندو، پنکج ترپاٹھی، جتیندر کمار، رسیکا دگل، روی کشن، شریا پلگاؤںکر اور شویتا ترپاٹھی سمیت دیگر اداکار شامل ہیں۔
