مصباح ارشد مس یونیورس پاکستان 2026 منتخب، عالمی مقابلے میں ملک کی نمائندگی کریں گی

 لاہور( شو بز ڈیسک)مصباح ارشد نے 10 امیدواروں کے فائنل مقابلے میں کامیابی حاصل کرکے مس یونیورس پاکستان 2026 کا اعزاز اپنے نام کرلیا۔ان کی تاج پوشی کی تقریب فلپائن کے دارالحکومت منیلا کے روزال پارک ہوٹل میں ہوئی۔ مصباح ارشد 24 نومبر کو پورٹو ریکو کے شہر سان خوان میں ہونے والے مس یونیورس 2026 کے عالمی مقابلے میں پاکستان کی نمائندگی کریں گی۔2000 میں پیدا ہونے والی مصباح ارشد اسلام آباد میں بھی رہ چکی ہیں اور اس وقت جرمنی کے شہر میونخ میں مقیم ہیں، جہاں وہ یونیورسٹی آف ہیگن سے نفسیات کی تعلیم حاصل کررہی ہیں۔وہ 2023 میں مس پاکستان ورلڈ اور مس اورا پاکستان کے اعزازات بھی حاصل کرچکی ہیں۔