مومنہ اقبال اور ایم پی اے تنازع، درخواست ایف آئی اے این سی سی آئی اے کو ارسال

 لاہور( شو بز ڈیسک)اداکارہ مومنہ اقبال اور مسلم لیگ (ن) کے رکن پنجاب اسمبلی کے درمیان مبینہ تنازع کے معاملے میں دائر کی گئی درخواست ابتدائی کارروائی کے بعد وفاقی تحقیقاتی ادارے ایف آئی اے این سی سی آئی اے کو بھجوا دی گئی ہے۔پولیس کے مطابق یہ معاملہ تھانہ چونگ میں دائر کیا گیا تھا، تاہم ابتدائی جانچ کے بعد یہ مؤقف اپنایا گیا کہ درخواست میں ایسا کوئی واضح جرم موجود نہیں جو پولیس کے دائرہ اختیار میں آتا ہو۔تفتیشی افسر کے مطابق معاملہ زیادہ تر ٹیلیفونک گفتگو اور مبینہ آن لائن/ڈیجیٹل نوعیت کے الزامات سے متعلق ہے، جس کی وجہ سے اسے سائبر کرائم ونگ کے دائرہ اختیار میں سمجھا گیا۔پولیس نے مزید بتایا کہ درخواست کو باقاعدہ طور پر داخل دفتر کرتے ہوئے متعلقہ کارروائی کے لیے ایف آئی اے کے سائبر کرائم سرکل کو بھیج دیا گیا ہے۔حکام کے مطابق مومنہ اقبال کو اب اس معاملے میں براہِ راست پولیس اسٹیشن کے بجائے متعلقہ وفاقی ادارے سے رابطہ کرنے کی ہدایت دی گئی ہے۔