کراچی (شوبز ڈیسک) اداکارہ مومنہ اقبال نے انکشاف کیا ہے کہ شادی سے 12 روز قبل وہ شدید ذہنی دباؤ میں مبتلا ہوگئی تھیں اور خودکشی کے بارے میں سوچنے لگی تھیں۔حالیہ انٹرویو میں اداکارہ نے رکنِ صوبائی اسمبلی ثاقب چڈھر کے ساتھ جاری تنازع کے دوران پیش آنے والی ذہنی اذیت پر گفتگو کی۔انہوں نے ایک صحافی سے بات کرتے ہوئے بتایا کہ نجی مواد منظرِ عام پر آنے کے خدشے نے انہیں اس قدر پریشان کردیا تھا کہ شادی سے 12 روز پہلے وہ خودکشی کے خیال تک پہنچ گئی تھیں اور جذباتی طور پر بالکل ٹوٹ گئی تھیں۔مومنہ اقبال کے مطابق اس دوران انہیں خوف تھا کہ حمزہ انہیں چھوڑ دیں گے، تاہم ان کے منگیتر نے مشکل وقت میں ان کا ساتھ دیا اور حالات کا مقابلہ کرنے کیلئے حوصلہ اور طاقت فراہم کی۔
