لاہور ( شوبز ڈیسک) سیشن کورٹ نے ثاقب چدھڑ اور ان کی اہلیہ سمیرا کی عبوری ضمانت میں 2 جولائی تک توسیع کر دی ہے۔اداکارہ مومنہ اقبال کو مبینہ طور پر ہراساں کرنے اور جان سے مارنے کی دھمکیاں دینے کے مقدمے کی سماعت ایڈیشنل سیشن جج کے سامنے ہوئی، جس دوران دونوں ملزمان عدالت میں پیش ہوئے۔سماعت کے دوران تفتیشی افسر نے عدالت کو آگاہ کیا کہ ملزمان کے موبائل فونز فرانزک تجزیے کے لیے بھجوا دیے گئے ہیں، اور تفتیش مکمل کرنے کے لیے مزید وقت درکار ہے۔عدالت نے اس موقع پر نیشنل سائبر کرائم انویسٹی گیشن ایجنسی (این سی سی آئی اے) سے آئندہ سماعت پر تفتیشی رپورٹ طلب کر لی۔واضح رہے کہ این سی سی آئی اے نے اداکارہ مومنہ اقبال کی مدعیت میں یہ مقدمہ درج کیا تھا۔
