ممبئی( شو بز ڈیسک)بالی ووڈ کے معروف اداکار نانا پاٹیکر اپنی اداکاری کے ساتھ سماجی خدمت اور انسان دوستی کے حوالے سے بھی شہرت رکھتے ہیں۔ ان کے ایک حالیہ فلاحی اقدام کا ذکر مصنف رنبیر پشپ نے ایک انٹرویو میں کیا۔رنبیر پشپ کے مطابق نانا پاٹیکر تقریباً ڈیڑھ کروڑ بھارتی روپے کی گاڑی خریدنے کا ارادہ رکھتے تھے، تاہم اسی دوران انہوں نے کسانوں کی خودکشیوں سے متاثرہ خاندانوں کی مشکلات سے متعلق خبریں دیکھیں۔مصنف کے مطابق اداکار نے گاڑی خریدنے کا فیصلہ ترک کرکے رقم ضرورت مند خاندانوں کی مدد کیلئے استعمال کرنے کا فیصلہ کیا۔ انہوں نے اپنے ایک ساتھی کو ہدایت کی کہ متاثرہ خاندانوں کیلئے 15،15 ہزار بھارتی روپے کے امدادی چیک تیار کیے جائیں تاکہ انہیں فوری مالی مدد فراہم کی جاسکے۔
نانا پاٹیکر نے مہنگی گاڑی کا ارادہ ترک کرکے رقم متاثرہ خاندانوں کو دے دی
واپس خبروں پر
Category:
تفریح