لاہور ( سپورٹس ڈیسک)قومی ہاکی چیمپئن شپ کی انعامی رقم میں 10 گنا اضافہ کردیا گیا۔صدر پاکستان ہاکی فیڈریشن محی الدین وانی کے مطابق پاکستان ہاکی فیڈریشن نے 2 کروڑ 80 لاکھ روپے کی انعامی رقم دینے کا اعلان کیا ہے۔محی الدین وانی کا کہنا ہے کہ چیمپئن شپ میں شریک کھلاڑیوں کو لاکھوں روپے انعام میں دیے جائیں گے۔یاد رہے کہ ماضی میں کھلاڑیوں کو صرف یومیہ الاؤنس اور رہائش کی سہولت فراہم کی جاتی تھی۔واضح رہے کہ قومی سینئر، جونیئر اور انڈر 15 ہاکی چیمپئن شپ جنوری میں منعقد ہوگی۔
