کیلیفورنیا ( ویب ڈیسک) واٹس ایپ صارفین کے لیے ایک اہم اور کارآمد اپ ڈیٹ پر کام جاری ہے جس کا مقصد چیٹس کو بہتر انداز میں منظم کرنا ہے۔بین الاقوامی ٹیکنالوجی رپورٹس کے مطابق اس نئے فیچر کے ذریعے صارفین اپنی آرکائیو اور لاک چیٹس کے لیے علیحدہ چیٹ لسٹس تیار کر سکیں گے، جس سے گفتگو کو ترتیب دینا اور مطلوبہ چیٹس تک رسائی مزید آسان ہو جائے گی۔یہ فیچر فی الحال اینڈرائیڈ ڈیوائسز کے بیٹا ورژن میں دیکھا گیا ہے اور اسے واٹس ایپ کے پہلے سے موجود چیٹ فلٹر سسٹم کی توسیع قرار دیا جا رہا ہے۔ اس سے قبل صارفین کو فیورٹس، ان ریڈ اور گروپس جیسے فلٹرز کی سہولت حاصل تھی، جبکہ اب ان میں آرکائیو اور لاک چیٹس کے نئے آپشنز شامل کیے جا رہے ہیں۔رپورٹ کے مطابق لاک چیٹس تک رسائی پاس کوڈ، فیس آئی ڈی یا دیگر حفاظتی طریقوں کے ذریعے ممکن ہوتی ہے، تاہم نئے فلٹر سسٹم میں سیکیورٹی کے مزید پہلوؤں پر کام جاری ہے۔ماہرین کے مطابق یہ اپ ڈیٹ صارفین کے تجربے کو مزید بہتر بنانے اور پیغام رسانی کو زیادہ منظم اور محفوظ بنانے میں اہم کردار ادا کرے گی۔
