لاہور( سپورٹس ڈیسک)آسٹریلوی اوپنر نک میڈنسن جنوبی افریقا کے خلاف ڈربن ٹیسٹ میں 33 گیندیں کھیلنے کے باوجود کوئی رن بنائے بغیر آؤٹ ہو گئے اور ایک ناپسندیدہ ریکارڈ اپنے نام کر لیا۔جمعے کو شروع ہونے والی ٹیسٹ سیریز کے پہلے میچ میں جنوبی افریقی فاسٹ بولر مارکو یانسن نے میڈنسن کو بولڈ کیا۔کرکٹ رپورٹس کے مطابق دستیاب ریکارڈ کی بنیاد پر میڈنسن ٹیسٹ کرکٹ میں سب سے زیادہ گیندیں کھیل کر صفر پر آؤٹ ہونے والے آسٹریلوی اوپنر بن گئے۔ ان کی یہ اننگز اکیسویں صدی میں کسی ٹیسٹ اوپنر کی جانب سے کھیلی جانے والی طویل ترین صفر پر ختم ہونے والی اننگز بھی قرار دی گئی ہے۔34 سالہ میڈنسن تقریباً دس سال بعد ٹیسٹ کرکٹ میں واپس آئے تھے۔ انہوں نے آخری مرتبہ دسمبر 2016 میں پاکستان کے خلاف ٹیسٹ میچ کھیلا تھا، جبکہ اسی سال جنوبی افریقا کے خلاف اپنے ٹیسٹ کیریئر کا آغاز کیا تھا۔میڈنسن کی ٹیسٹ کرکٹ میں واپسی اس لیے بھی اہم تھی کہ وہ 2025 میں کینسر میں مبتلا ہو گئے تھے اور انہیں کیموتھراپی سے گزرنا پڑا تھا۔صحت یاب ہونے کے بعد انہوں نے دوبارہ قومی ٹیم میں جگہ بنانے کے لیے محنت کی اور جنوبی افریقا کے دورے کے لیے آسٹریلوی اسکواڈ میں شامل ہوئے، تاہم ان کی ٹیسٹ میں واپسی مایوس کن ثابت ہوئی۔
