کراچی ( شو بز ڈیسک)پاکستانی اداکارہ و میزبان ندا یاسر کی بیٹی صلہ یاسر نے والدہ اور اہلِ خانہ کی اجازت کے بغیر ویڈیوز بنانے اور انہیں سوشل میڈیا پر شیئر کرنے والوں پر ناراضی کا اظہار کیا ہے۔صلہ یاسر نے انسٹاگرام اسٹوری میں ایک حالیہ تقریب کا تجربہ شیئر کرتے ہوئے کہا کہ تقریباً ہر برانڈ نے ان کی والدہ کی ویڈیو بنانے سے پہلے اجازت نہیں لی۔انہوں نے کہا کہ کسی شخص کا عوامی شخصیت ہونا اس بات کی اجازت نہیں دیتا کہ اسے بغیر رضامندی ریکارڈ کرکے ویڈیو سوشل میڈیا پر شیئر کردی جائے۔ ان کے مطابق برانڈز اپنے سوشل میڈیا اکاؤنٹس کے لیے مواد بناتے ہیں، تاہم ویڈیو ریکارڈ کرنے سے پہلے اجازت لینا معمول ہونا چاہیے۔صلہ یاسر نے ایسے افراد کو بھی تنقید کا نشانہ بنایا جو ان کے اہلِ خانہ کو کھانا کھاتے ہوئے ریکارڈ کرتے ہیں اور بعد میں نامناسب کیپشن کے ساتھ ویڈیوز سوشل میڈیا پر پوسٹ کردیتے ہیں۔
