لاہور( شوبز ڈیسک) پاکستانی اداکارہ نمرہ خان کی دوسری شادی میں اختلافات کی اطلاعات سامنے آنے کے بعد ان کی جانب سے سوشل میڈیا پر مبہم پیغامات شیئر کرنے کا سلسلہ جاری ہے۔اداکارہ نے اپنی انسٹاگرام اسٹوری پر ایک اور پوسٹ شیئر کی، جس میں انہوں نے مالی طور پر کمزور لڑکوں کو بھکاریوں سے تشبیہ دیتے ہوئے والدین کو مشورہ دیا کہ وہ اپنی بیٹیوں کی شادی ایسے لڑکوں سے نہ کریں۔نمرہ خان ان دنوں تکلیف دہ اور اذیت ناک رویوں کے حامل مردوں کے خلاف مختلف پیغامات بھی شیئر کر رہی ہیں۔اداکارہ اس بات پر بھی زور دے رہی ہیں کہ کسی خاتون کے لیے غلط شخص سے شادی کرنے کے بجائے تنہا اور خودمختار زندگی گزارنا بہتر ہے۔
