ٹورنٹو ( شوبز ڈیسک)مراکشی نژاد بالی ووڈ اداکارہ، ڈانسر اور گلوکارہ نورا فتحی نے فیفا ورلڈ کپ 2026 کے آفیشل میوزک پروجیکٹ کے تحت اپنا نیا گانا ’سیئر سیئر‘ ریلیز کر دیا ہے۔یہ گانا ورلڈ کپ کے آفیشل البم کا حصہ ہے، جس میں دنیا بھر کے مختلف ممالک کے فنکاروں کو ایک ساتھ شامل کیا گیا ہے تاکہ عالمی ثقافتی رنگوں کو موسیقی کے ذریعے پیش کیا جا سکے۔گانے کو میوزک پروڈیوسر سنجوئے اور فرانسیسی گلوکار ویجیڈریم کے ساتھ مل کر تیار کیا گیا ہے۔اس سے قبل بھی اطلاعات سامنے آئی تھیں کہ نورا فتحی فیفا ورلڈ کپ 2026 کی افتتاحی تقریب میں پرفارم کریں گی، جو 12 جون 2026 کو کینیڈا کے شہر ٹورنٹو میں منعقد ہوگی۔واضح رہے کہ نورا فتحی اس سے قبل قطر میں ہونے والے فیفا ورلڈ کپ کی افتتاحی تقریب میں بھی اپنی پرفارمنس پیش کر چکی ہیں۔اپنے نئے گانے کے بارے میں گفتگو کرتے ہوئے انہوں نے کہا کہ یہ منصوبہ ان کے لیے خاص اہمیت رکھتا ہے کیونکہ اس میں مختلف ثقافتوں کا امتزاج شامل ہے، جو ان کی ذاتی اور پیشہ ورانہ زندگی کی عکاسی کرتا ہے۔
