لاہور ( سپورٹس ڈیسک)قومی ٹیم کی مینجمنٹ نے انگلینڈ کے خلاف پہلے ٹیسٹ کے لیے گھاس والی پچ اور لیڈز میں بارش کی پیشگوئی کو مدنظر رکھتے ہوئے ابتدائی حکمت عملی تیار کرنا شروع کردی ہے۔ذرائع کے مطابق پہلے ٹیسٹ میں 7 اسپیشلسٹ بیٹرز کے ساتھ 4 اسپیشلسٹ فاسٹ بولرز میدان میں اتارنے کی تجویز زیر غور ہے۔گھاس والی پچ کے باعث ساجد خان یا علی عثمان کو ٹیم میں شامل کرنے کا امکان کم ہے، جبکہ مینجمنٹ بابراعظم اور شان مسعود کی دستیابی کے حوالے سے بھی پرامید ہے۔ذرائع کا کہنا ہے کہ دونوں کھلاڑیوں کی شرکت کا حتمی فیصلہ آج پریکٹس سیشن کے بعد کیا جائے گا۔پہلے پریکٹس سیشن کے بعد بیٹرز اور بولرز کی الگ الگ میٹنگز بھی ہوئیں، جن میں بولرز کو انگلش بیٹرز جبکہ بیٹرز کو انگلش بولرز کی ویڈیوز دکھا کر حکمت عملی پر غور کیا گیا۔
