لاہور ( سپورٹس ڈیسک) قومی کرکٹر عبداللہ فضل نے نیشنل کرکٹ اکیڈمی میں بحالیِ صحت کا عمل شروع کردیا ہے۔ذرائع کے مطابق عبداللہ فضل نے دو روز قبل نیشنل کرکٹ اکیڈمی میں رپورٹ کیا، جہاں وہ پاکستان کرکٹ بورڈ کے طبی عملے اور اکیڈمی کے کوچز کی نگرانی میں بحالیِ صحت کی مشقیں کررہے ہیں۔عبداللہ فضل ہلکی پھلکی بیٹنگ کے ساتھ پیڈل کھیل میں بھی حصہ لے رہے ہیں۔واضح رہے کہ ویسٹ انڈیز کے خلاف سیریز سے قبل عبداللہ فضل کمر کی تکلیف میں مبتلا ہوگئے تھے، جس کے باعث وہ ویسٹ انڈیز اور انگلینڈ کے خلاف سیریز میں قومی ٹیم کا حصہ نہیں بن سکے۔
