پاکستان اسٹاک مارکیٹ میں مندی، ہنڈرڈ انڈیکس میں 2 ہزار سے زائد پوائنٹس کی کمی

کراچی( کامرس ڈیسک) پاکستان اسٹاک مارکیٹ میں کاروباری ہفتے کے آغاز پر شدید اتار چڑھاؤ دیکھا گیا، جہاں مارکیٹ میں نمایاں کمی ریکارڈ کی گئی۔کاروبار کے آغاز پر ہنڈرڈ انڈیکس میں 2 ہزار سے زائد پوائنٹس کی کمی ہوئی، جس کے بعد انڈیکس ایک لاکھ 73 ہزار 636 پوائنٹس کی سطح پر آ گیا۔واضح رہے کہ گزشتہ کاروباری ہفتے کے آخری روز اسٹاک ایکسچینج میں ہنڈرڈ انڈیکس ایک لاکھ 75 ہزار 802 پوائنٹس پر بند ہوا تھا۔دوسری جانب انٹر بینک مارکیٹ میں امریکی ڈالر کی قیمت میں استحکام برقرار رہا، جہاں ڈالر 277 روپے 96 پیسے کی سطح پر موجود ہے۔