لاہور ( سپورٹس ڈیسک)پاکستان خواتین کرکٹ ٹیم کو دورہ سری لنکا میں ون ڈے سیریز کے بعد ٹی 20 سیریز میں بھی ناکامی کا سامنا کرنا پڑا۔آئی سی سی ٹی 20 ورلڈ کپ میں نیدرلینڈز کے خلاف کامیابی حاصل کرنے والی قومی ٹیم نے فاطمہ ثنا کی قیادت میں تین میچوں کی ون ڈے سیریز 1-2 سے گنوائی، جبکہ منیبہ علی کی کپتانی میں کھیلی جانے والی ٹی 20 سیریز میں بھی پاکستان کو 2-1 سے شکست ہوئی۔دمبولہ میں کھیلے گئے سیریز کے آخری ٹی 20 میچ میں پاکستان ویمن ٹیم نے سری لنکا کو پہلے بیٹنگ کرتے ہوئے مقررہ 20 اوورز میں 6 وکٹوں کے نقصان پر 113 رنز تک محدود رکھا۔جواب میں قومی ٹیم نے 19ویں اوور کی دوسری گیند پر 6 وکٹوں کے نقصان سے 115 رنز بنا کر میچ 4 وکٹوں سے اپنے نام کر لیا، تاہم یہ کامیابی سیریز کے مجموعی نتیجے کو تبدیل نہ کر سکی اور سری لنکا نے سیریز 2-1 سے جیت لی۔
