لاہور( سپورٹس ڈیسک) پاکستان ویمن کرکٹ ٹیم سری لنکا کا دورہ مکمل کرنے کے بعد دبئی کے راستے وطن واپس پہنچ گئی۔قومی ٹیم کے کھلاڑی تین مختلف گروپس کی صورت میں کراچی، لاہور اور اسلام آباد پہنچے۔دورہ سری لنکا کے دوران پاکستان ویمن ٹیم کو مشکلات کا سامنا رہا، جہاں میزبان ٹیم نے ون ڈے انٹرنیشنل اور تین میچوں پر مشتمل ٹی ٹوئنٹی سیریز دونوں 2-1 سے اپنے نام کیں۔ون ڈے سیریز آئی سی سی ویمنز چیمپئن شپ کا حصہ تھی، جبکہ سیریز کے اختتام کے بعد قومی کپتان فاطمہ ثنا انگلینڈ میں جاری دی ہنڈریڈ لیگ میں شرکت کے لیے روانہ ہوگئی تھیں۔فاطمہ ثنا کی غیر موجودگی میں ٹی ٹوئنٹی سیریز میں منیبہ علی صدیقی نے ٹیم کی قیادت کی، تاہم قومی ٹیم سیریز جیتنے میں کامیاب نہ ہو سکی۔
