لاہور ( سپورٹس ڈیسک)نیشنل چیمپئنز کپ میں شریک بعض پاکستانی کرکٹرز اب کیریبین پریمیئر لیگ 2026ء میں مختلف ٹیموں کی نمائندگی کریں گے۔پاکستان کرکٹ بورڈ نے قومی کھلاڑیوں کو بیرون ملک لیگ میں شرکت کے لیے عدم اعتراض سرٹیفکیٹ جاری کر رکھے ہیں۔حسن نواز، نسیم شاہ، عثمان خان، معاذ صداقت، صاحبزادہ فرحان، سفیان مقیم اور شاداب خان سی پی ایل کی مختلف فرنچائزز کی جانب سے کھیلیں گے۔ پی سی بی نے ان تمام کھلاڑیوں کو بیرون ملک لیگ میں شرکت کی اجازت دے دی ہے۔ذرائع کے مطابق کھلاڑیوں کے عدم اعتراض سرٹیفکیٹس کی مدت 19 اگست سے 21 ستمبر تک ہے۔دوسری جانب پاکستان کے آئندہ ڈومیسٹک سیزن کا اہم ٹورنامنٹ پریذیڈنٹ ٹرافی 12 ستمبر سے شروع ہوگا۔
