لاہور( سپورٹس ڈیسک) قومی کرکٹ ٹیم کے سابق کپتان شاہد آفریدی نے کہا ہے کہ پاکستان کی جانب سے انڈیا سے کھیلنے کا فیصلہ کرکٹ کی روح کو برقرار رکھنے اور ٹی 20 ورلڈکپ کی ساکھ کو محفوظ کرنے میں اہم رہا۔سوشل میڈیا ویب سائٹ ایکس پر اپنے بیان میں شاہد آفریدی نے کہا کہ حکومتِ پاکستان کے فیصلے سے نہ صرف ایونٹ کے تقدس کا تحفظ ہوا بلکہ عالمی سطح پر کھیل کے استحکام کو بھی یقینی بنایا گیا۔انہوں نے مزید کہا کہ کرکٹ جیت گئی اور یہ کھیل دنیا میں فاصلے کم کرنے اور اختلافات کے خاتمے میں پل کا کردار ادا کرتا رہے گا۔
