نیویارک میں آر ایس ایس سربراہ کی تقریر سے قبل احتجاج، شدید مخالفت

نیویارک ( مانیٹرنگ ڈیسک) بھارتی ہندو قوم پرست تنظیم آر ایس ایس کے سربراہ موہن بھاگوت کی تقریر سے قبل تنظیم کے خلاف احتجاجی مظاہرہ کیا گیا۔ تازہ رپورٹس کے مطابق مختلف مذہبی اور انسانی حقوق کی تنظیموں سے وابستہ افراد نے نیویارک سٹی ہال کے سامنے احتجاج کرتے ہوئے بھاگوت کے دورے اور پروگرام پر اعتراض کیا۔مظاہرین نے آر ایس ایس پر بھارت میں مذہبی اقلیتوں، خصوصاً مسلمانوں سمیت دیگر طبقات کے خلاف مبینہ نفرت اور انتہا پسندی کو فروغ دینے کے الزامات عائد کیے اور موہن بھاگوت کی تقریر روکنے کا مطالبہ کیا۔رپورٹس کے مطابق مظاہرین نے امریکی حکام سے آر ایس ایس سربراہ کا ویزا منسوخ کرنے اور پابندیاں عائد کرنے کی بھی اپیل کی۔ نیویارک کے میئر زہران ممدانی نے بھی آر ایس ایس کے پروگرام پر تشویش کا اظہار کرتے ہوئے تنظیم کو تفرقہ پیدا کرنے والی تحریک قرار دیا ہے۔