پی ٹی اے نے موبائل ریچارج بیلنس کی کم از کم میعاد 180 دن مقرر کردی

اسلام آباد( ویب ڈیسک) پاکستان ٹیلی کمیونی کیشن اتھارٹی نے صارفین کے مفادات کے تحفظ کے لیے تمام موبائل آپریٹرز کے پری پیڈ ریچارج بیلنس کی کم از کم میعاد 180 دن مقرر کردی۔پی ٹی اے کے مطابق نئے فیصلے کا اطلاق یکم اکتوبر 2026 سے ہوگا۔اتھارٹی نے واضح کیا کہ اگر بیلنس کی میعاد ختم ہوجائے تو سم فعال رہنے کی صورت میں دوبارہ ریچارج کرنے پر ختم شدہ بیلنس خودکار طور پر بحال ہوجائے گا اور صارف اسے استعمال کرسکے گا۔پی ٹی اے کا کہنا ہے کہ یہ اقدام صارفین کے حقوق کے تحفظ اور منصفانہ کاروباری ماحول کے فروغ کے لیے کیا گیا ہے۔