ممبئی( شو بز ڈیسک)بھارتی ڈانسر اور اداکار راگھو جویال نے اداکارہ شہناز گل کے ساتھ تعلقات کی خبروں پر ردعمل دیتے ہوئے کہا ہے کہ وہ ان کے ساتھ موجود ہر خاتون کی حفاظت کو اپنی ذمہ داری سمجھتے ہیں، چاہے اس کا تعلق محبت یا کسی ذاتی رشتے سے ہو یا نہ ہو۔راگھو جویال نے ایک حالیہ انٹرویو میں گفتگو کرتے ہوئے کہا کہ ان کے والدین نے ان کی ایسی تربیت کی ہے کہ اگر ان کے ساتھ کوئی خاتون موجود ہو تو اس کا خیال رکھنا اور اسے محفوظ رکھنا ان کی ذمہ داری ہے۔انہوں نے کہا کہ وہ اپنی زندگی کی آخری سانس تک اپنے ساتھ موجود خواتین کی حفاظت کریں گے۔ راگھو کا کہنا تھا کہ دوسروں کا خیال رکھنا ان کی شخصیت کا حصہ ہے اور وہ اس معاملے میں اپنی شہرت یا عوامی تاثر کو مدنظر نہیں رکھتے۔اداکار نے مزید کہا کہ خواتین کا احترام اور ان کی حفاظت کرنا ان کی فطرت میں شامل ہے، اور وہ اسے کسی خاص تعلق یا رشتے سے جوڑ کر نہیں دیکھتے۔
