لاہور( شوبز ڈیسک)معروف پاکستانی قوال راحت فتح علی خان نے لیجنڈری قوال نصرت فتح علی خان کی برسی کے موقع پر ان کے مزار پر حاضری دے کر خراجِ عقیدت پیش کیا۔نصرت فتح علی خان کو مداحوں سے بچھڑے تین دہائیاں گزر چکی ہیں، تاہم ان کی آواز اور فن آج بھی دنیا بھر میں مقبول ہے۔برسی کے موقع پر راحت فتح علی خان اپنے بیٹے شاہ زمان علی خان کے ہمراہ مزار پر پہنچے، جہاں دونوں نے نصرت فتح علی خان کی یاد میں کلام اور قوالی پیش کی۔قوالی کے دوران عقیدت مندوں کی جانب سے نذرانے کے طور پر کرنسی نوٹ بھی نچھاور کیے گئے، جبکہ بڑی تعداد میں مداح اور دیگر افراد بھی موجود تھے۔مزار پر ہونے والی قوالی کی ویڈیوز سوشل میڈیا پر وائرل ہونے کے بعد صارفین کی جانب سے مختلف نوعیت کے ردِعمل کا اظہار کیا جا رہا ہے۔
