رجب بٹ اور دُرفشاں سلیم کی شادی کی افواہیں بے بنیاد قرار، دونوں کی تردید

لاہور( شوبز ڈیسک)متنازع یوٹیوبر رجب بٹ اور اداکارہ دُرفشاں سلیم کے حوالے سے سوشل میڈیا پر گردش کرنے والی شادی کی افواہوں نے ایک نئی بحث کو جنم دے دیا، تاہم دونوں شخصیات نے ان خبروں کو مکمل طور پر بے بنیاد قرار دے کر سختی سے تردید کر دی ہے۔سوشل میڈیا پر ایک جعلی پوسٹ میں دعویٰ کیا گیا تھا کہ رجب بٹ اور دُرفشاں سلیم ایک دوسرے کو طویل عرصے سے پسند کرتے ہیں اور جلد شادی کے بندھن میں بندھنے والے ہیں۔ یہ خبر تیزی سے وائرل ہوئی جس پر مداحوں میں حیرت اور تجسس کی لہر دوڑ گئی۔رجب بٹ ماضی میں بھی اپنی ذاتی زندگی، ناکام شادی اور مختلف سوشل میڈیا شخصیات کے ساتھ مبینہ تعلقات کے باعث خبروں میں رہ چکے ہیں۔ اسی پس منظر میں حالیہ افواہوں نے مزید توجہ حاصل کی، تاہم یہ دعویٰ کسی مستند ذریعے سے ثابت نہیں ہو سکا۔افواہ پھیلنے کے بعد رجب بٹ نے سوشل میڈیا پر اپنے ردعمل میں واضح کیا کہ ان کے اور دُرفشاں سلیم کے درمیان شادی یا تعلق سے متعلق تمام خبریں جھوٹی ہیں۔ ان کا کہنا تھا کہ سوشل میڈیا پر من گھڑت اور غیر مصدقہ خبریں پھیلانا ایک تشویشناک رجحان بنتا جا رہا ہے، جس سے گریز کرنا ضروری ہے۔انہوں نے مزید کہا کہ ایسی بے بنیاد افواہوں کا حقیقت سے کوئی تعلق نہیں اور عوام کو چاہیے کہ بغیر تصدیق کے کسی بھی خبر پر یقین نہ کریں۔