لاہور( شوبز ڈیسک)یوٹیوبر اور سوشل میڈیا انفلوئنسر رجب بٹ نے اداکارہ درفشاں سلیم سے منسوب شادی کی افواہوں کی تردید کرتے ہوئے کہا ہے کہ ان کا اداکارہ کے ساتھ کسی بھی نوعیت کا ذاتی تعلق نہیں ہے۔حال ہی میں سوشل میڈیا پر دونوں شخصیات سے متعلق مبینہ شادی کی خبریں زیر گردش رہیں، تاہم ان دعوؤں کی کسی مستند ذریعے سے تصدیق نہیں ہو سکی۔ اس سے قبل بھی درفشاں سلیم کی جانب سے ان کی اسٹائلسٹ ان افواہوں کی تردید کر چکی تھیں، جبکہ رجب بٹ نے بھی اس معاملے پر واضح مؤقف اختیار کیا تھا۔ایک حالیہ انٹرویو میں، جو ٹک ٹاکر اور یوٹیوبر تہمینہ شیخ کو دیا گیا، رجب بٹ نے کہا کہ درفشاں سلیم ان سے سینئر ہیں اور اپنی فیلڈ میں باعزت مقام رکھتی ہیں، تاہم ان کے ساتھ ان کا کوئی ذاتی تعلق نہیں ہے۔انہوں نے بتایا کہ انہیں خود بھی اس افواہ کا علم سوشل میڈیا کے ذریعے ہوا، جب صارفین مسلسل ان سے اس بارے میں سوالات کرنے لگے۔ ان کے مطابق بغیر تصدیق کے خبریں پھیلانا ایک افسوسناک رویہ ہے۔رجب بٹ نے مزید وضاحت کی کہ انہوں نے فوری طور پر تردید اس لیے کی تاکہ درفشاں سلیم کو کسی قسم کی غیر ضروری پریشانی کا سامنا نہ کرنا پڑے، کیونکہ یہ خبر مکمل طور پر بے بنیاد ہے۔
