ممبئی( شو بز ڈیسک)بالی ووڈ اداکار گووندا کی اپنی نئی فلم ’’روپا‘‘ کی ساتھی اداکارہ کومل رانی کے ہمراہ پوجا میں شرکت پر راکھی ساونت نے ان کی اہلیہ سنیتا آہوجا کی حمایت کردی۔راکھی ساونت نے انسٹاگرام پر گووندا کو مخاطب کرتے ہوئے کہا کہ اتنے اہم موقع پر وہ کسی دوسری لڑکی کو اپنے ساتھ کیسے لے جا سکتے ہیں، انہیں اپنی اہلیہ کے ساتھ جانا چاہیے تھا، جنہوں نے 40 سال ان کا ساتھ دیا اور بچوں کی پرورش کی۔راکھی نے کہا کہ وہ اب تک گووندا کا ساتھ دیتی رہی ہیں، تاہم اس معاملے میں ان کی حمایت نہیں کریں گی۔ انہوں نے مزید کہا کہ گووندا کچھ بھی کرلیں، سنیتا آہوجا انہیں نہیں چھوڑیں گی۔واضح رہے کہ چند روز قبل گووندا اور کومل رانی نے ایک پوجا میں ایک ساتھ شرکت کی تھی، جبکہ اسی روز گووندا کی اہلیہ سنیتا آہوجا بھی الگ سے اس تقریب میں شریک ہوئی تھیں۔
