کراچی( شوبز ڈیسک)پاکستان کی سابق اداکارہ رمشا خان نے بہن علیشا خان کی شادی کی تقریبات میں اپنی کم موجودگی کی وجہ بتادی۔ علیشا کی شادی کی تقریبات سماجی ذرائع ابلاغ پر خاصی مقبول رہیں، تاہم رمشا اور ان کے شوہر اداکار خوشال خان کی عدم شرکت نے مداحوں کی توجہ حاصل کی۔رمشا خان صرف ایک تقریب میں شوہر کے ہمراہ دکھائی دیں، جہاں دونوں نے سادہ لباس کے ساتھ ماسک اور چشمے پہن رکھے تھے۔ٹی وی میزبان سے گفتگو میں رمشا نے واضح کیا کہ شوہر نے ان پر کوئی پابندی عائد نہیں کی۔ وہ اپنی مرضی سے کیمروں اور تشہیر سے دور رہنا چاہتی ہیں اور اپنے نام سے سماجی ذرائع ابلاغ پر تشہیر بھی پسند نہیں کرتیں۔میزبان کے مطابق رمشا اپنی موجودہ زندگی سے خوش ہیں اور نجی حیثیت میں زندگی گزارنا چاہتی ہیں، جس کا سب کو احترام کرنا چاہیے۔
