کراچی( شوبز ڈیسک)پاکستانی اداکارہ رمشا خان کی بہن علیشا خان کی شادی کی تقریبات سوشل میڈیا پر خاصی توجہ حاصل کر رہی ہیں، تاہم نکاح کی ویڈیو سب سے زیادہ زیرِ بحث ہے۔دن کے وقت منعقد ہونے والی نکاح کی تقریب میں متعدد معروف شوبز شخصیات نے شرکت کی، جبکہ دلہن کی بہن رمشا خان اور ان کے شوہر اداکار خوشال خان خٹک کی عدم موجودگی بھی نمایاں رہی۔ابھی یہ واضح نہیں کہ دونوں تقریب میں شریک نہیں ہوئے یا ان کی تصاویر سامنے نہیں آسکیں۔ تاہم نکاح کے دوران علیشا خان نے روایتی ’قبول ہے‘ کے بجائے انگریزی میں اپنی رضامندی ظاہر کی۔ویڈیو سوشل میڈیا پر وائرل ہونے کے بعد کئی صارفین نے اس انداز پر تنقید کرتے ہوئے سوال اٹھایا کہ پاکستانی شادی میں نکاح کی رضامندی انگریزی زبان میں کیوں ظاہر کی گئی۔کچھ صارفین نے روایتی ’قبول ہے‘ کو زیادہ خوبصورت قرار دیا، جبکہ بعض نے تقریب کے انداز اور دلہن کے انگریزی لہجے پر بھی طنزیہ تبصرے کیے۔
