اسلام آباد( سپورٹس ڈیسک) وزیر بین الصوبائی رابطہ سینیٹر رانا ثناء اللّٰہ نے کامن ویلتھ گیمز 2026ء میں کانسی کا تمغہ جیتنے والی پاکستانی باکسر فاطمہ زہرا سے ملاقات کی۔ملاقات کے دوران ڈائریکٹر جنرل پاکستان اسپورٹس بورڈ یار محمد بھی موجود تھے۔ رانا ثناء اللّٰہ نے فاطمہ زہرا کو شاندار کارکردگی پر انعامی رقم کا چیک پیش کیا۔وزیر بین الصوبائی رابطہ نے کہا کہ فاطمہ زہرا نے کامن ویلتھ گیمز میں پاکستان کے لیے کانسی کا تمغہ حاصل کرکے ملک کا نام روشن کیا، ان کی محنت، عزم اور عالمی سطح پر کامیابی قابلِ تحسین ہے۔پاکستان اسپورٹس بورڈ نے بھی قومی باکسر کی کامیابی کو سراہتے ہوئے مستقبل میں مزید کامیابیوں کے لیے نیک خواہشات کا اظہار کیا۔
