ممبئی( شو بز ڈیسک)ابھرتی ہوئی اداکارہ رشمیکا مندانا نے صحتیابی کے بعد دوبارہ کام شروع کرنے کا اعلان کردیا۔معروف اداکارہ نے سماجی رابطے کی ویب سائٹ پر مداحوں کو اپنی صحت سے آگاہ کرتے ہوئے چوٹ کے بعد آرام اور صحتیابی کے مرحلے کے بارے میں بتایا۔رشمیکا مندانا کو کچھ عرصہ قبل کولہے میں چوٹ لگی تھی، جس کے بعد ڈاکٹروں نے انہیں مکمل آرام کا مشورہ دیا تھا، تاہم اب وہ صحتیاب ہوچکی ہیں۔اداکارہ نے بتایا کہ وہ جلد اپنے زیر التوا فلمی منصوبوں کی شوٹنگ کے لیے دوبارہ سیٹ پر پہنچیں گی اور کیمرے کے سامنے واپسی کے لیے انتہائی پُرجوش ہیں۔انہوں نے اپنے جذباتی پیغام میں کہا کہ اگرچہ وہ کام پر واپس جانے کے لیے بے حد خوش ہیں، تاہم گھر میں ملنے والا آرام، سکون اور اپنے پیاروں کے ساتھ گزارا ہوا وقت بھی انہیں بہت یاد آئے گا۔
