لاہور ( سپورٹس ڈیسک) ارجنٹائن کے عظیم فٹبالر لیونل میسی کے شاندار بین الاقوامی سفر کے اختتام پر پرتگالی اسٹار کرسٹیانو رونالڈو نے بھی انہیں خراجِ تحسین پیش کیا ہے۔میسی نے بینن کے خلاف ارجنٹائن کی 3-0 سے کامیابی میں ایک گول اسکور کرنے کے علاوہ دو گولز میں معاونت کی۔ ان کے بین الاقوامی سفر کے اختتام پر بیونس آئرس کے مونومینٹل اسٹیڈیم میں 85 ہزار سے زائد شائقین نے انہیں جذباتی انداز میں الوداع کہا، جہاں موسیقی، خصوصی خراجِ تحسین اور ڈرون شو بھی پیش کیا گیا۔الوداعی تقریب کے بعد رونالڈو نے میسی کی انسٹاگرام پوسٹ پر تبصرہ کرتے ہوئے کہا کہ اپنے ملک کی نمائندگی کرتے ہوئے میسی نے جو مقام حاصل کیا، وہ ہمیشہ یاد رکھا جائے گا۔ انہوں نے ارجنٹائن کیلئے میسی کی کامیابیوں کو بھی سراہا۔میسی اور رونالڈو نے دو دہائیوں سے زائد عرصے تک عالمی فٹبال پر اپنی صلاحیتوں کا لوہا منوایا اور طویل عرصے تک دونوں کا ایک دوسرے سے موازنہ ہوتا رہا۔ اب دونوں اپنے کیریئر کے آخری مرحلے میں ہیں، جس کے باعث شائقین کیلئے ان کی غیر معمولی کھیل کیریئر سے لطف اندوز ہونا زیادہ اہم قرار دیا جارہا ہے۔
