ہانیہ عامر اور عاصم اظہر سے متعلق افواہیں تیز، اداکارہ کا دلچسپ ردعمل وائرل

لاہور( شوبز ڈیسک)پاکستانی شوبز کی مقبول اداکارہ ہانیہ عامر اور گلوکار عاصم اظہر ایک بار پھر خبروں کی زینت بن گئے ہیں۔ دونوں کے تعلقات ماضی میں اتار چڑھاؤ کا شکار رہے، کچھ عرصہ ساتھ رہنے کے بعد علیحدگی ہو گئی تھی۔ہانیہ سے بریک اپ کے بعد عاصم اظہر کی اداکارہ میرب علی سے منگنی ہوئی، جبکہ ہانیہ عامر نے خود کو اس معاملے پر خاموش رکھا۔ تقریباً تین برس بعد عاصم کی منگنی ختم ہو گئی اور اب دونوں فنکاروں کے دوبارہ قریب آنے کی افواہیں گردش کر رہی ہیں۔حالیہ دنوں میں ان کے مبینہ تعلق اور ممکنہ شادی کی منصوبہ بندی سے متعلق خبریں بھی سامنے آئی ہیں، تاہم ہانیہ عامر ان قیاس آرائیوں کو ہلکے پھلکے انداز میں لیتی دکھائی دیتی ہیں۔ وہ سوشل میڈیا پر مداحوں کے سوالات کے دلچسپ اور شرارتی جوابات دے کر توجہ حاصل کرتی رہتی ہیں۔حال ہی میں ایک تقریب کے دوران جب ان سے ان کے پسندیدہ گلوکار کے بارے میں پوچھا گیا تو انہوں نے مسکراتے ہوئے مزاحیہ انداز میں کہا، ’’کیا آپ چاہتے ہیں کہ میں عاصم اظہر کا نام لوں؟‘‘ ان کا یہ جملہ سنتے ہی محفل میں قہقہے گونج اٹھے۔اداکارہ کا یہ مختصر مگر دلچسپ تبصرہ سوشل میڈیا پر تیزی سے وائرل ہو رہا ہے اور صارفین اس پر مختلف آرا کا اظہار کر رہے ہیں۔