ممبئی( شو بز ڈیسک) بالی ووڈ اداکار وکی کوشل کے بھائی سنی کوشل اور اداکارہ کترینہ کیف کی بہن ازابیل کیف کے درمیان مبینہ تعلقات کی افواہیں گردش کرنے لگی ہیں۔سنی کوشل نے حال ہی میں ترکیہ میں تعطیلات کے دوران تصاویر سماجی رابطے کی ویب سائٹ پر شیئر کیں، جن میں کئی مقامات اور مناظر وہی دکھائی دیے جو ازابیل کیف اس سے قبل اپنی تصاویر میں شیئر کرچکی تھیں۔دونوں کی تصاویر میں ایک ہی بلی نظر آنے کے بعد مداحوں نے قیاس آرائیاں شروع کردیں کہ شاید سنی اور ازابیل ترکیہ میں ایک ساتھ موجود تھے۔ازابیل کیف نے سنی کوشل کی ایک پوسٹ میں موجود کتاب پر تبصرہ کرتے ہوئے انہیں بہترین کتاب تجویز کرنے پر شکریہ بھی ادا کیا، جس کے بعد قیاس آرائیوں میں مزید اضافہ ہوگیا۔تاہم سنی کوشل اور ازابیل کیف نے اپنے مبینہ تعلقات سے متعلق ان افواہوں کی تاحال نہ تصدیق کی ہے اور نہ تردید۔
