لیونل میسی کے والد کی صحت سے متعلق افواہیں، خاندان کی وضاحت سامنے آ گئی

ارجنٹینا( سپورٹس ڈیسک)ارجنٹینا کے عالمی شہرت یافتہ فٹبالر Lionel Messi کے والد خورخے میسی کی صحت سے متعلق سوشل میڈیا اور بعض حلقوں میں گردش کرنے والی افواہوں پر ان کے خاندان نے وضاحتی بیان جاری کیا ہے۔خاندان کی جانب سے کہا گیا ہے کہ خورخے میسی اس وقت صحت کے مسائل کا سامنا کر رہے ہیں اور وہ ڈاکٹروں کی نگرانی میں ہیں۔ تاہم ان کی حالت میں بتدریج بہتری آ رہی ہے۔بیان میں مزید کہا گیا کہ ان کی صحت کے حوالے سے پھیلائی جانے والی غیر مصدقہ خبریں اور قیاس آرائیاں افسوس ناک ہیں، کیونکہ یہ ایک نجی خاندانی معاملہ ہے جسے غلط انداز میں پیش کیا جا رہا ہے۔خاندان نے مداحوں سے درخواست کی ہے کہ وہ غیر تصدیق شدہ معلومات پر توجہ نہ دیں اور ان کی نجی زندگی کا احترام کریں۔