کیلفورنیا( ویب ڈیسک)ایپل ایک اسمارٹ رنگ تیار کرنے پر کام کر رہی ہے، جسے ممکنہ طور پر "آئی رنگ" کا نام دیا جا سکتا ہے۔رپورٹس کے مطابق یہ منصوبہ ابھی ابتدائی مراحل میں ہے اور اس کی تیاری کا عمل جاری ہے، تاہم اسمارٹ رنگ کی خصوصیات، ڈیزائن یا متوقع پیشی کی تاریخ کے حوالے سے تاحال کوئی تفصیلات سامنے نہیں آئی ہیں۔حالیہ مہینوں میں یہ اطلاعات بھی سامنے آئی ہیں کہ ایپل مصنوعی ذہانت سے لیس اسمارٹ چشموں، اسمارٹ لاکٹ اور کیمروں سے مزین ایئرپوڈز پرو پر بھی کام کر رہی ہے، جس سے ظاہر ہوتا ہے کہ کمپنی پہننے کے قابل جدید آلات کی اپنی مصنوعات کی فہرست کو مزید وسعت دینا چاہتی ہے۔اگر ایپل اسمارٹ رنگ متعارف کراتی ہے تو اسے اس شعبے میں سام سنگ کے گلیکسی رنگ، اوورا رنگ اور الٹرا ہیومن رنگ ایئر جیسے موجودہ حریفوں کا سامنا کرنا پڑ سکتا ہے۔تاہم ایپل کے اسمارٹ رنگ سے متعلق تمام معلومات فی الحال غیر مصدقہ افواہوں پر مبنی ہیں اور کمپنی کی جانب سے اس منصوبے کی کوئی باضابطہ تصدیق نہیں کی گئی ہے۔
