لاہور( شوبز ڈیسک)اداکارہ اور کانٹینٹ کریئٹر صاحبہ بالی نے بالی ووڈ اداکار ارجن کپور کے ساتھ تعلقات کی افواہوں کو مسترد کرتے ہوئے کہا ہے کہ ہر وائرل خبر کو حقیقت نہیں سمجھنا چاہیے۔حال ہی میں دونوں شخصیات کو لندن کے لارڈز کرکٹ گراؤنڈ میں بھارت اور انگلینڈ کے درمیان کھیلے گئے تیسرے ون ڈے میچ کے دوران ایک ساتھ دیکھا گیا تھا، جس کے بعد سوشل میڈیا پر ان کے درمیان مبینہ رومانوی تعلق سے متعلق قیاس آرائیاں شروع ہو گئی تھیں۔ان افواہوں پر ردعمل دیتے ہوئے صاحبہ بالی نے اپنی انسٹاگرام اسٹوری پر ارجن کپور کے ساتھ ایک تصویر شیئر کی اور کیپشن میں لکھا، "ہر بات پر یقین نہ کریں"۔اس بیان کے ذریعے صاحبہ بالی نے ارجن کپور کے ساتھ ڈیٹنگ یا کسی بھی رومانوی تعلق کی خبروں کی تردید کر دی۔
