اسلام آباد( شوبز ڈیسک)پاکستان کی مشہور ماڈل اور اداکارہ صحیفہ جبار خٹک ایک بار پھر اپنے منفرد انداز کے باعث خبروں کی زینت بن گئی ہیں۔ڈرامہ بھول، لوگ کیا کہیں گے، رفتہ رفتہ، مورے پیا اور بیٹی میں اپنی اداکاری سے پہچان بنانے والی صحیفہ حال ہی میں اپنے آبائی علاقے کے دورے کے دوران آف وائٹ رنگ کا مردانہ کرتا شلوار اور مختصر بالوں کے ساتھ ایک مختلف انداز میں نظر آئیں۔اداکارہ نے اپنی تصاویر سوشل میڈیا پر شیئر کرتے ہوئے لکھا کہ ’’اپنی جڑوں سے دوبارہ جڑنا ایک خوبصورت احساس ہے‘‘۔انہوں نے کہا کہ انسان چاہے دنیا میں کتنی ہی کامیابیاں حاصل کر لے، اپنے شہر اور لوگوں سے وابستگی ہمیشہ برقرار رہتی ہے۔صحیفہ جبار خٹک نے اپنے دورے کے دوران مقامی لوگوں کی محبت، دعوتوں اور پرتپاک استقبال کو بھی سراہا۔
