ممبئی( شو بز ڈیسک)بالی ووڈ کے معروف اداکار سلمان خان اور سنجے دت کی دیرینہ دوستی ایک بار پھر مداحوں کی توجہ کا مرکز بن گئی۔سلمان خان نے سماجی رابطے کی ویب سائٹ انسٹاگرام پر سنجے دت کے ساتھ حالیہ ملاقات کی چند تصاویر شیئر کیں، جن میں دونوں اداکار ایک دوسرے کو گرمجوشی سے گلے لگاتے ہوئے دکھائی دے رہے ہیں۔ بتایا جا رہا ہے کہ یہ تصاویر سنجے دت کی رہائش گاہ پر لی گئیں۔تصاویر کے ساتھ سلمان خان نے سنجے دت کے لیے محبت بھرے جذبات کا اظہار کرتے ہوئے انہیں اپنا "بڑا بھائی" قرار دیا۔اپنی پوسٹ میں سلمان خان نے لکھا، "بابا ہمیشہ بابا ہی رہتے ہیں، اور بابا، بابا ہوتا ہے۔ سنجو بابا ہم سب کے بابا ہیں اور اب اپنے بچوں کے بھی بابا ہیں۔ میرے بڑے بھائی سنجے دت، اللہ، بھگوان اور یسوع مسیح سب اس آدمی کو خوش رکھیں۔ آئی لو یو بابا۔"سلمان خان کی اس پوسٹ کو مداحوں کی جانب سے بھرپور پذیرائی مل رہی ہے اور دونوں اداکاروں کی دوستی کو سراہا جا رہا ہے۔
