لاہور( شوبز ڈیسک)پاکستانی سینئر اداکارہ و ہدایتکارہ سنگیتا نے انکشاف کیا ہے کہ وہ گزشتہ 14 برس سے فلمی صنعت کے ڈسٹری بیوٹر طارق میندرو کے ساتھ ازدواجی زندگی گزار رہی ہیں۔ایک حالیہ پروگرام میں گفتگو کرتے ہوئے سنگیتا نے پہلی مرتبہ اپنی موجودہ شادی کے بارے میں تفصیلات بتائیں۔ انہوں نے بتایا کہ ان کی پہلی شادی ہمایوں قریشی اور دوسری نوید اکبر سے ہوئی تھی، تاہم دونوں رشتے ختم ہوگئے، جس کے بعد انہوں نے طارق میندرو سے تیسری شادی کی۔اداکارہ کے مطابق بیٹیوں کی شادیاں ہونے کے بعد وہ خود کو تنہا محسوس کرنے لگی تھیں، اسی دوران طارق میندرو نے انہیں کئی مرتبہ شادی کی پیشکش کی۔ سنگیتا نے کہا کہ انہیں احساس ہوا کہ عمر بڑھنے کے ساتھ انسان کو ایک ساتھی کی ضرورت ہوتی ہے، چنانچہ انہوں نے شادی کا فیصلہ کیا۔اپنی موجودہ ازدواجی زندگی کے بارے میں سنگیتا کا کہنا تھا کہ ان کے شوہر نہ گالم گلوچ کرتے ہیں، نہ ہاتھ اٹھاتے ہیں اور نہ بلاوجہ جھگڑا کرتے ہیں۔ اگر کبھی وہ غصے میں ہوں تو شوہر خاموشی سے کمرے سے باہر چلے جاتے ہیں۔
