کیلیفورنیا( ویب ڈیسک) سائنس دانوں نے دعویٰ کیا ہے کہ وہ گاڑیوں کے لیے اب تک کی سب سے زیادہ سیاہ رنگت رکھنے والی نئی کوٹنگ تیار کرنے میں کامیاب ہو گئے ہیں، جو نظر آنے والی روشنی کا تقریباً تمام حصہ جذب کر لیتی ہے۔ماہرین کے مطابق کوئی بھی چیز اس وقت زیادہ سیاہ دکھائی دیتی ہے جب وہ مرئی روشنی کی زیادہ سے زیادہ شعاعوں کو جذب کر لے۔ یونیورسٹی آف کیلیفورنیا، سانتا باربرا کے مطابق روشنی جتنی زیادہ جذب ہوگی، سطح اتنی ہی زیادہ سیاہ دکھائی دے گی۔سائنسی جریدے سیل پریس میں شائع ہونے والی تحقیق کے مطابق نئی کوٹنگ کو اس انداز میں تیار کیا گیا ہے کہ یہ پہلے کی نسبت کہیں زیادہ طولِ موج کی روشنی جذب کر سکتی ہے۔رپورٹ میں بتایا گیا ہے کہ روایتی سیاہ کوٹنگز میں روشنی جذب کرنے کے لیے صرف کاربن بلیک استعمال کیا جاتا تھا، جس کی وجہ سے سیاہی کی ایک حد برقرار رہتی تھی۔ تاہم نئی ٹیکنالوجی میں ساختی جذب (اسٹرکچرل ابزارپشن) نامی طریقہ اختیار کیا گیا ہے، جو روشنی کو جذب کرنے کی صلاحیت کو نمایاں طور پر بڑھا دیتا ہے۔محققین کے مطابق اس جدید طریقۂ کار کی بدولت تیار کردہ یہ نیا مواد مرئی روشنی کی 99.9 فیصد شعاعوں کو جذب کرنے کی صلاحیت رکھتا ہے، جس کے باعث اسے اب تک تیار کی جانے والی گاڑیوں کی سیاہ ترین کوٹنگز میں شمار کیا جا رہا ہے۔
