کراچی ( شوبز ڈیسک) پاکستانی اداکارہ سحر ہاشمی ان دنوں ڈرامہ انڈسٹری میں تیزی سے اپنی شناخت بنا رہی ہیں اور مختلف پروجیکٹس میں اپنی اداکاری کے باعث توجہ حاصل کر رہی ہیں۔انہوں نے اپنے کیریئر کا آغاز ڈرامہ ’’ظلم‘‘ سے کیا تھا اور بعد ازاں کئی کامیاب ڈراموں میں اداکاری کے جوہر دکھائے۔ماضی میں ڈرامہ ’’من مست ملنگ‘‘ کے کچھ رومانوی مناظر سوشل میڈیا پر وائرل ہونے کے بعد انہیں تنقید کا سامنا بھی کرنا پڑا تھا۔اب ایک بار پھر ان کے حالیہ ڈراموں میں رومانوی مناظر کے باعث سوشل میڈیا پر بحث جاری ہے۔ اس حوالے سے اداکارہ کا مؤقف ہے کہ وہ ہمیشہ کردار کی ضرورت کے مطابق اداکاری کرنے پر یقین رکھتی ہیں۔تاہم سوشل میڈیا صارفین کی بڑی تعداد ان مناظر پر عدم اطمینان کا اظہار کر رہی ہے اور بعض صارفین ان کا موازنہ بھارتی اداکار عمران ہاشمی سے بھی کر رہے ہیں۔
